પરમાણુ ક્ષેત્રે ભારતની ફ્રાન્સ સાથે ભાગીદારી

વડાપ્રધાન મોદી અને ફ્રાન્સના રાષ્ટ્રપતિ ઈમેન્યુઅલ મેક્રોને સંયુક્ત રીતે ‘ઈન્ડિયા-ફ્રાન્સ યર ઓફ ઈનોવેશન 2026’નો સત્તાવાર લોગો લોન્ચ કર્યો

નવીદિલ્હી, તા. 12
વડા પ્રધાન નરેન્દ્ર મોદી અને ફ્રાંસના રાષ્ટ્રપતિ ઇમેન્યુઅલ મેક્રોને બુધવારે બંને દેશો વચ્ચે વેપાર અને રોકાણ સંબંધો વધારવા આહવાન કર્યું હતું. આ દરમિયાન, બંને નેતાઓએ ઈન્ડો-પેસિફિક અને વિવિધ વૈશ્વિક મંચો અને પહેલોમાં તેમની જોડાણને વધુ ગાઢ બનાવવા માટે પ્રતિબદ્ધતા દર્શાવી હતી. તેમની વ્યાપક વાટાઘાટો બાદ, બંને નેતાઓએ વૈશ્વિક અઈં ક્ષેત્ર જાહેર હિતમાં ફાયદાકારક સામાજિક, આર્થિક અને પર્યાવરણીય પરિણામો આપી શકે તેની ખાતરી કરવા માટે નક્કર પગલાં લેવાની તેમની પ્રતિબદ્ધતાને પણ રેખાંકિત કરી. હકીકતમાં, વડા પ્રધાન નરેન્દ્ર મોદીની 10-12 ફેબ્રુઆરી 2025 ની ફ્રાન્સ મુલાકાત ઘણા મહત્વપૂર્ણ કરારો અને ભાગીદારી સાથે પૂર્ણ થઈ હતી. આ મુલાકાતે ભારત અને ફ્રાન્સ વચ્ચે ખાસ કરીને આર્ટિફિશિયલ ઈન્ટેલિજન્સ (AI), પરમાણુ ઉર્જા અને ઈનોવેશન જેવા ક્ષેત્રોમાં વ્યૂહાત્મક સહયોગને વધુ મજબૂત બનાવ્યો. ભારત અને ફ્રાન્સે આર્ટિફિશિયલ ઈન્ટેલિજન્સ (અઈં)ના ક્ષેત્રમાં સંયુક્ત ઘોષણા પર હસ્તાક્ષર કર્યા. આ કરાર અઈં સંશોધન, નવીનતા અને ડેટા સુરક્ષાના ક્ષેત્રોમાં સહકારને પ્રોત્સાહન આપશે. બંને દેશો એઆઈનો નૈતિક અને જવાબદાર ઉપયોગ સુનિશ્ચિત કરવા માટે નીતિ-નિર્માણમાં સહયોગ કરશે. વડાપ્રધાન મોદી અને ફ્રાન્સના રાષ્ટ્રપતિ ઈમેન્યુઅલ મેક્રોને સંયુક્ત રીતે ’ઈન્ડિયા-ફ્રાન્સ યર ઓફ ઈનોવેશન 2026’નો સત્તાવાર લોગો લોન્ચ કર્યો. આ પહેલ બંને દેશોના વૈજ્ઞાનિકો, સંશોધકો અને સ્ટાર્ટઅપ વચ્ચે સહકારને પ્રોત્સાહન આપવાના ઉદ્દેશ્યથી શરૂૂ કરવામાં આવી છે.
બંને દેશોએ એડવાન્સ મોડ્યુલર રિએક્ટર અને સ્મોલ મોડ્યુલર રિએક્ટરના ક્ષેત્રમાં ભાગીદારી સ્થાપિત કરવાના ઉદ્દેશ્યની ઘોષણા પર હસ્તાક્ષર કર્યા. આ કરાર સ્વચ્છ અને ટકાઉ ઉર્જા ઉત્પાદનને પ્રોત્સાહન આપવા અને આબોહવા પરિવર્તનનો સામનો કરવા માટે મહત્વપૂર્ણ સાબિત થશે. ભારતના પરમાણુ ઉર્જા વિભાગ અને ફ્રાન્સના પરમાણુ ઉર્જા અને વૈકલ્પિક ઉર્જા આયોગ વચ્ચે “અમલીકરણ કરાર” પર હસ્તાક્ષર કરવામાં આવ્યા હતા. આ અંતર્ગત ભારતના ગ્લોબલ સેન્ટર ફોર ન્યુક્લિયર એનર્જી પાર્ટનરશિપ અને ફ્રાન્સની ઇન્સ્ટિટ્યૂટ ફોર ન્યુક્લિયર સાયન્સ એન્ડ ટેક્નોલોજી વચ્ચે સંશોધન અને તાલીમને પ્રોત્સાહન આપવામાં આવશે.
ઙખ મોદી સોમવારે ફ્રાન્સ પહોંચ્યા અને મેક્રોન સાથે આર્ટિફિશિયલ ઈન્ટેલિજન્સ એક્શન સમિટની સહ-અધ્યક્ષતા પણ કરી. મોદીની ફ્રાન્સની આ છઠ્ઠી મુલાકાત છે અને જાન્યુઆરી 2024માં ભારતના 75મા પ્રજાસત્તાક દિવસના મુખ્ય અતિથિ તરીકે મેક્રોનની ભારત મુલાકાતને અનુસરે છે. બંને નેતાઓએ અહીં ઇન્ટરનેશનલ થર્મોન્યુક્લિયર એક્સપેરિમેન્ટલ રિએક્ટર ફેસિલિટીની પણ મુલાકાત લીધી હતી. બંને નેતાઓએ ન્યાયી અને શાંતિપૂર્ણ આંતરરાષ્ટ્રીય વ્યવસ્થા જાળવવા, વૈશ્વિક પડકારોનો સામનો કરવા અને તકનીકી અને આર્થિક ક્ષેત્રો સહિત વિશ્વને ઉભરતા વિકાસ માટે તૈયાર કરવા સુધારેલા અને અસરકારક બહુપક્ષીયવાદ માટેના તેમના આહ્વાનનો પુનરોચ્ચાર કર્યો.