રાજકોટમાં આજે ક્રિકેટ ફીવર જામયો છે. ભારત-ઓસ્ટ્રેલિયા વચ્ચે આજે સિરીઝની અંતિમ વનડે મેચ જે ખંડેરી સ્ટેડીયમ રમાઈ રહ્યો છે. ત્યારે ટીમ ઈન્ડિયાના કેપ્ટનનો જ મોબાઈલ ચોરી થયો હોવાના સમાચાર સામે આવ્યા છે.
ટીમ ઈન્ડિયાના કેપ્ટન રોહિત શર્માનો આઈફોન iPhone ચોરાયો હોવાની માહિતી સામે આવી છે. પ્રાપ્ત થતી માહિતી અનુસાર, મંગળવારના રોજ સાંજે આખી ટીમ પ્રેક્ટિસમાં વ્યસ્ત હતી. ત્યારે નેટ પ્રેક્ટિસ પૂર્ણ થયા બાદ રોહિત શર્માનો iPhone નેટ પ્રેક્ટીસ દરમિયાન ચોરાયો હોવાની ચર્ચા ઉઠી છે. રોહિત શર્મા દ્વારા પોતાનો iPhone ગુમ થયો હોવાની જાણ કરવામાં આવતા સૌરાષ્ટ્ર ક્રિકેટ એસોસિએશનના હોદ્દેદારો તેમજ કર્મચારીઓ અને રાજકોટ ગ્રામ્ય પોલીસના અધિકારીઓ તેમજ જવાનો દ્વારા મોડી રાત સુધી iPhone બાબતે તપાસ ચલાવવામાં આવી હતી. પરંતુ રોહિત શર્માનો iPhone મળ્યો ન હોવાનું સૂત્રો દ્વારા જણાવવામાં આવ્યું છે.
હાલ આ બાબતની પુષ્ટિ થઈ નથી. પરંતુ રોહિત શર્માનો આઈફોન ચોરાયાની ચર્ચા ટાઉનમાં થઈ રહી છે. ઉલ્લેખનીય છે કે, મેચ દરમિયાન ચોર ટોળકી એક્ટિવ થઈ જાય છે. ચાલુ મેચમાં અનેક દર્શકોના મોબાઈલ ફોન ચોરાતા હોય છે. ત્યારે ખુદ ટીમ ઈન્ડિયાના કેપ્શનનો જ ફોન ચોરાય તે મોટી બાબત છે.
