ભારતીય પરંપરા અનુસાર અક્ષય તૃતીયાના અવસર પર સોનું ખરીદવું શુભ માનવામાં આવે છે. આજે દેશભરમાં અક્ષય તૃતીયાનો તહેવાર ઉજવવામાં આવી રહ્યો છે. જો તમે પણ સોનું ખરીદવાની ઇચ્છા ધરાવતા હોય, તો જાણો શું આજે ડિજિટલ સોનું ખરીદવું યોગ્ય રહેશે? કે સોનાના રોકાણના આ વિકલ્પથી તમને કેટલો ફાયદો થશે?
ડિજિટલ ગોલ્ડએ આજના યુગમાં સોનામાં રોકાણ કરવાની એક નવી રીત છે. તેને ખરીદવાની સમગ્ર પ્રક્રિયા ઓનલાઈન છે. આજકાલ લોકોમાં ફિઝિકલ ગોલ્ડને બદલે ડિજિટલ ગોલ્ડમાં રોકાણ કરવાનો ટ્રેન્ડ જોવા મળી રહ્યો છે.
ડિજિટલ સોનામાં રોકાણ કરવાનો સૌથી મોટો ફાયદો એ છે કે તેનું કોઈ ન્યૂનતમ મૂલ્ય હોતું નથી. જો કોઈ વ્યક્તિ ઈચ્છે તો માત્ર ૧ રૂ.થી રોકાણ શરૂ કરી શકે છે. જ્યારે તમે ડિજિટલ ગોલ્ડ વિકલ્પમાં રોકાણ કરો છો, ત્યારે તેનું મૂલ્ય પણ સોનાના સિક્કા અથવા ઘરેણાં સાથેના ભૌતિક સોના જેવું જ હોય છે. તમે ડિજિટલ સોનામાં જેટલી રકમનું રોકાણ કરો છો, તે જરૂરી નથી કે તમારે તેને એક જ વારમાં વેચવું પડશે. તમે તેને તમારી જરૂરિયાત મુજબ થોડું-થોડું અથવા સંપૂર્ણપણે એક જ સમયે વેચી શકો છો. જ્યાં સુધી ડિજિટલ સોના પરના ટેક્સનો સંબંધ છે, તે સોના પરના ટેક્સ જેટલો જ છે.
