ભારત આવશે વિશ્ર્વના ટોચના રાજનેતાઓ

0
258

ચીનના પડકારનો સામનો કરવાની મોટી તૈયારી: ઘણા દેશોની રૂચિ વધી છે ભારત પ્રત્યે
નવીદિલ્હી:

વૈશ્વિક પરિદ્રશ્યમાં ભારતનો વધતો પ્રભાવ એ અસર છે કે વિશ્વના ઘણા દેશોની રુચિ ભારતમાં વધી છે. જેના કારણે આગામી કેટલાક મહિનામાં વિશ્વના અનેક રાષ્ટ્રાધ્યક્ષો અને રાજનેતાઓ ભારતની મુલાકાતે આવશે. આમાં જર્મનીના ચાન્સેલર ઓલાફ સ્કોલ્ઝ, ફ્રાન્સના રાષ્ટ્રપતિ ઈમેન્યુઅલ મેક્રોન અને ઓસ્ટ્રેલિયાના વડાપ્રધાન એન્થોની અલ્બેનીસના નામ મુખ્ય છે.

આ નેતાઓની મુલાકાતનો હેતુ બંને દેશો વચ્ચેના દ્વિપક્ષીય સંબંધોને મજબૂત કરવાનો, ઉર્જા, વેપાર, ટેક્નોલોજી, સંરક્ષણ ઉત્પાદન, આરોગ્ય સંભાળ ક્ષેત્રમાં પરસ્પર સહયોગને પ્રોત્સાહન આપવાનો છે.
વિશ્વના આ દિગ્ગજ રાજનેતાઓ ભારત આવશે: ઉલ્લેખનીય છે કે, આ નેતાઓની ભારત મુલાકાત એવા સમયે થઈ રહી છે જ્યારે યુક્રેનમાં યુદ્ધને કારણે સમગ્ર વિશ્વમાં ખાદ્ય અને ઉર્જા સુરક્ષા પ્રભાવિત થઈ રહી છે. અહેવાલો અનુસાર, જર્મન ચાન્સેલર સ્કોલ્ઝ ફેબ્રુઆરીના અંતમાં ભારતની મુલાકાત લઈ શકે છે. અને ઓસ્ટ્રેલિયન વડાપ્રધાન માર્ચમાં ભારત આવશે. ફ્રાન્સના રાષ્ટ્રપતિ માર્ચમાં પણ મુલાકાત લઈ શકે છે પરંતુ તેમની મુલાકાતની તારીખો હજુ નક્કી કરવામાં આવી નથી.

આ સિવાય ઇજિપ્તના રાષ્ટ્રપતિ અબ્દેલ ફત્તાહ અલ-સીસી પણ આ મહિને ભારત આવશે અને મુખ્ય અતિથિ તરીકે ગણતંત્ર દિવસની પરેડમાં હાજરી આપશે. ૠ-20 દેશોના વિદેશ મંત્રીઓ પણ નવી દિલ્હીમાં વિદેશ મંત્રીઓની મહત્વપૂર્ણ બેઠકમાં ભાગ લેવા માટે 1 અને 2 માર્ચે ભારત પહોંચશે. આ સાથે 2 અને 4 માર્ચે ’રાયસીના ડાયલોગ’નું આયોજન કરવામાં આવનાર છે, જેમાં ભાગ લેવા માટે ઘણા વિદેશ મંત્રીઓ પણ ભારત આવશે. આ સિવાય નેપાળના પીએમ પુષ્પા કુમાર દહલ, સાઉદી અરેબિયાના ક્રાઉન પ્રિન્સ અને વડાપ્રધાન મોહમ્મદ બિન સલમાન બિન અબ્દુલ અઝીઝ અલ સઉદ પણ આગામી કેટલાક મહિનામાં ભારતની મુલાકાતે આવી શકે છે.રાજ્યના વડા તરીકે જર્મન ચાન્સેલર ઓલાફ સ્કોલ્ઝની ભારતની આ પ્રથમ મુલાકાત હશે. વડાપ્રધાન મોદી સાથેની તેમની મુલાકાતમાં હિંદ પ્રશાંત મહાસાગરમાં ચીનના વધતા પડકારનો સામનો કરવા માટે સહયોગ વધારવા પર ચર્ચા થઈ શકે છે. ચીનના પડકારનો સામનો કરવા માટે સહયોગ વધારવા માટે ઓસ્ટ્રેલિયા અને ફ્રાન્સના રાજ્યોના વડાઓ સાથે પણ ચર્ચા થઈ શકે છે.

વિદેશ નીતિના સૂત્રોના હવાલાથી કહેવામાં આવ્યું છે કે ઓસ્ટ્રેલિયાના પીએમ સાથેની વાતચીતમાં બંને દેશો વચ્ચે વેપાર અને દરિયાઈ સુરક્ષા માટે સહયોગ વધારવા પર વાતચીત થશે.ફ્રાન્સ સાથે સંરક્ષણ અને વ્યૂહાત્મક સહયોગ વધારવા પર પણ વાતચીત થઈ શકે છે. એવા અહેવાલો પણ છે કે ભારત અને ફ્રાન્સ વચ્ચે એમેન્યુઅલ મેક્રોનની ભારત મુલાકાત દરમિયાન રાફેલ જેટના મરીન વર્ઝનની ખરીદી પર વાતચીત થઈ શકે છે, જો કે હજુ સુધી આ અંગે સત્તાવાર રીતે કંઈ કહેવામાં આવ્યું નથી.