ગુજરાત ATS-DRIને મળી સફળતા : 70 લાખ રોકડ પણ મળી આવી
અમદાવાદ, તા. 17
કર્ણાટકમાં કન્નડ અભિનેત્રી રાન્યા રાવ પાસેથી 14 કિલો સોનું રિકવર કરવાનો મામલો ચર્ચામાં છે. દરમિયાન, ગુજરાતના અમદાવાદમાં એક દલાલ પાસેથી આશરે 95 કિલો સોનું ઝડપાયું છે. બજારમાં આ સોનાની કિંમત અંદાજે 83 કરોડ રૂૂપિયા છે. ગુજરાત અઝજ અને ઉછઈંની ટીમે અમદાવાદના પાલડી વિસ્તારમાં સંયુક્ત ઓપરેશનમાં આ સોનું રિકવર કર્યું છે. ડીઆરઆઈએ આ સોનું જપ્ત કર્યું છે. ગુજરાતમાં તાજેતરના વર્ષોમાં સોનાની આટલી મોટી ખાનગી રિકવરી થઈ નથી.
ગુજરાત પોલીસની એટીએસ અને ડીઆરઆઈએ ગુપ્ત માહિતીના આધારે આ કાર્યવાહી કરી હતી. ટીમના અધિકારીઓએ જ્યારે આ બોક્સ ખોલ્યું તો તેઓ પણ દંગ રહી ગયા. મોટા પાયે સોનું મળ્યા બાદ તેને કેમેરાની દેખરેખ હેઠળ જપ્ત કરવામાં આવ્યું હતું. એટીએસ અને ડીઆરઆઈ પાલડીમાં રહેતા દલાલની પૂછપરછ કરી રહી છે કે ઘરમાં આટલો મોટો સોનો ક્યાંથી આવ્યો?
ગુજરાત એટીએસના અધિકારીઓ દલાલ પાસેથી આટલી મોટી માત્રામાં સોનાની રિકવરી પાછળ મોટા ઘટસ્ફોટની અપેક્ષા રાખી રહ્યા છે. સૂત્રોના જણાવ્યા અનુસાર દરોડામાં મળી આવેલી અન્ય વસ્તુઓના આધારે માહિતી એકઠી કરવામાં આવી રહી છે કે દલાલ પાસે આટલું સોનું ક્યાંથી અને કેવી રીતે આવ્યું?
આ મહિનાની શરૂૂઆતમાં બેંગલુરુ એરપોર્ટ પર કન્નડ ફિલ્મ અભિનેત્રી રાન્યા રાવ પાસેથી 14 કિલો સોનું મળી આવ્યું હતું. આ મહિનાની શરૂૂઆતમાં જ મુંબઈ એરપોર્ટ પર લગભગ 35 કિલો સોનું જપ્ત કરવામાં આવ્યું હતું, પરંતુ ગુજરાતના અમદાવાદમાં સોનાની રિકવરી ઘણી વધારે છે.
મંગળવારે અઝજ આ મુદ્દે મોટો ખુલાસો કરી શકે છે. તપાસમાં વધુ મુદામાલ કબજે કરવામાં આવશે તેમ મનાય છે. દરોડા દરમિયાન નોટો ગણવા માટેના બે મશીન અને સોનાના વજન માટે ઈલેક્ટ્રિક સ્કેલ પણ જપ્ત કરવામાં આવ્યા હતા.
તપાસમાં જાણવા મળ્યું કે સોનાના બિસ્કિટ અને જ્વેલરી સહિત કુલ 95.5 કિલો સોનું મળી આવ્યું હતું, જેની સરેરાશ કિંમત 60 થી 70 લાખ રૂૂપિયા હોવાનું કહેવાય છે.
જ્યારે ડીઆરઆઈ અને એટીએસ અધિકારીઓ સોનાનું વાસ્તવિક વજન અને મૂલ્ય શોધી રહ્યા હતા, ત્યારે તેઓએ જણાવ્યું હતું કે વર્તમાન બજાર કિંમતના આધારે તેની કિંમત 100 કરોડ રૂૂપિયાથી વધુ હોઈ શકે છે.
સૂત્રોએ જણાવ્યું હતું કે એટીએસના અધિકારીઓને એવી બાતમી મળી હતી કે ગુજરાતમાં મોટા પ્રમાણમાં સોનાની દાણચોરી કરવામાં આવી છે અને પાલડીમાં રહેણાંક એકમમાં છુપાવવામાં આવી છે. પ્રાથમિક અંદાજ મુજબ, જ્યારે ગણતરી શરૂૂ થઈ ત્યારે લગભગ 95.5 કિલો સોનાના દાગીના અને સોનાના બિસ્કિટ મળી આવ્યા હતા અને 70 લાખ રૂૂપિયાની રોકડ પણ મળી આવી હતી.
પડોશીઓના જણાવ્યા અનુસાર, ફ્લેટ બંધ હતો અને રાત્રે શંકાસ્પદ લોકો ત્યાં આવતા-જતા હતા
