રાજકોટ મિરર, તા.29
ભાજપની સંગઠન રચનાના સંગઠન મહાપર્વ કાર્યક્રમમાં પ્રાથમિક સભ્ય નોંધણી, સક્રિય સભ્ય નોંધણી અને ત્યારબાદ બુથ સમિતિ રચના કાર્યક્રમ સમગ્ર ભારતમાં ચાલી રહ્યો છે. જે અંતર્ગત પ્રદેશ ભાજપ દ્વારા રાજકોટ જીલ્લા ભાજપના સંગઠન રચનાના ચુંટણી અધિકારી તરીકે આશિષભાઈ દવે તેમજ સહ ચૂંટણી અધિકારી તરીકે જે.કે. ચાવડાની નિમણુક થયેલ સાથે સાથે જીલ્લા ભાજપ દ્વારા અપાયેલા નામો પૈકી સ્થાનિક સહ-ચૂંટણી અધિકારી તરીકે પ્રફુલભાઈ ટોળિયા તેમજ ડો.દિપકભાઈ પીપળીયાની નિયુક્તિ બાદ ગ્રામ્ય મંડલોમાં ખેતીવાડીની સીઝન હોવા છતાં સુવ્યવસ્થિત આયોજન અને સમયબદ્ધ માઈક્રોપ્લાનિંગ દ્વારા જીલ્લાની કાર્યશાળા, પ્રવાસ દ્વારા મંડલની કાર્યશાળાઓ પૂર્ણ કરી માહિતી અને માર્ગદર્શન આપી જીલ્લાના 1446 બુથો ઉપર બુથ સમિતિની રચના કાર્ય આરંભવામાં આવ્યું હતું.
જે કાર્યક્રમ માત્ર પાંચ દિવસમાં ઉપરોક્ત પદાધિકારીઓના માર્ગદર્શન અને આગવી સુજબુઝના કારણે 100% બુથ સમિતિઓની રચના કરી અને સરલ એપ પર અપલોડ કરવામાં સમગ્ર ગુજરાતમાં ગાંધીનગર બાદ રાજકોટ જીલ્લો દ્રિતીય ક્રમે જયારે સૌરાષ્ટ્ર-કચ્છમાં બુથ સમિતિની રચનામાં રાજકોટ જીલ્લો પ્રથમ રહ્યો છે. જે બદલ ઉપરોક્ત પદાધિકારીઓ અને જીલ્લાના કાર્યકર્તાઓ ઉપર અભિનંદનવર્ષા થઇ રહી છે.
