વિદાય સમારંભમાં ચીફ જસ્ટીસે કહ્યું, અહીંયા મુસાફરો જેવા છીએ, જેઓ થોડો સમય આવે છે, કામ કરે છે અને ચાલ્યા જાય છે
નવીદિલ્હી, તા. 8
ભારતના મુખ્ય ન્યાયાધીશ જસ્ટિસ ડી.વાય. ચંદ્રચુડને રવિવારે પદ પરથી મુક્ત કરવામાં આવશે. પરંતુ 9 અને 10મીએ શનિવાર અને રવિવારે કોર્ટમાં રજા રહેશે. તેથી તેમના માનમાં આજે જ વિદાય સમારંભનું આયોજન કરવામાં આવ્યું હતું. સુપ્રીમ કોર્ટમાં આજે તેમનો છેલ્લો કામકાજનો દિવસ છે. જસ્ટિસ સંજીવ ખન્ના 10 નવેમ્બરે નિવૃત્ત થયા બાદ જસ્ટિસ ચંદ્રચુડનું સ્થાન લેશે. તેઓ દેશના 51મા મુખ્ય ન્યાયાધીશ હશે જસ્ટિસ ચંદ્રચુડે 9 નવેમ્બર 2022ના રોજ ભારતના 50મા મુખ્ય ન્યાયાધીશ તરીકે શપથ લીધા હતા. 13 મે 2016 ના રોજ, તેઓ અલ્હાબાદ હાઈકોર્ટમાંથી ઉન્નત થયા. વિદાય સમારંભમાં જસ્ટિસ ચંદ્રચુડે ભાવુક થઈને કહ્યું, ’રાત્રે હું વિચારી રહ્યો હતો કે બપોરે બે વાગ્યે કોર્ટ ખાલી થઈ જશે અને હું મારી જાતને સ્ક્રીન પર જોઈ રહ્યો છું. આપ સૌની હાજરીથી હું અભિભૂત છું. CJIએ કહ્યું, ’જ્યારે હું નાનો હતો ત્યારે હું સુપ્રીમ કોર્ટમાં આવતો હતો અને અહીંની કાર્યવાહી અને કોર્ટમાં પ્રદર્શિત બે તસવીરો જોતો હતો. બોમ્બે હાઈકોર્ટમાં પણ જસ્ટિસ ચાગલાનો ઘણો પ્રભાવ હતો, એમ તેમણે જણાવ્યું હતું.
તેમણે આગળ કહ્યું, ’અમે બધા અહીંયા મુસાફરો જેવા છીએ, જેઓ થોડો સમય આવે છે, અમારું કામ કરે છે અને પછી જાય છે. કોર્ટના રૂપમાં આ સંસ્થા હંમેશ માટે ચાલુ રહેશે અને વિવિધ વિચારો ધરાવતા લોકો તેની પાસે આવતા રહેશે. મને વિશ્વાસ છે કે મારા પછી જસ્ટિસ ખન્ના આ સંસ્થાને તાકાત અને ગૌરવ સાથે આગળ લઈ જશે. કોઈ પણ કેસ પહેલા જેવો નથી. જો મેં કોર્ટમાં કોઈને કોઈ તકલીફ પહોંચાડી હોય, તો હું નમ્રતાપૂર્વક માફી માંગુ છું. અંતમાં આભાર માનતા જસ્ટિસ ચંદ્રચુડે કહ્યું, તમારા બધાનો હૃદયપૂર્વક આભાર, તમે આટલી મોટી સંખ્યામાં અહીં આવ્યા. આ માટે હું હંમેશા આભારી રહીશ.
જસ્ટિસ ચંદ્રચૂડના વિદાય સમારંભમાં બોલતા સુપ્રીમ કોર્ટ બાર એસોસિએશનના પ્રમુખ કપિલ સિબ્બલે કહ્યું કે, અમે કોઈપણ જજની ટીકા કરી શકીએ છીએ, કારણ કે જીવનમાં સંપૂર્ણતા જેવી કોઈ વસ્તુ નથી. સત્ય પણ હંમેશા સરખું હોતું નથી. પૂર્ણતા અને સત્ય બંને સમાન છે (સમય અને પરિસ્થિતિ પ્રમાણે બદલાય છે). આપણે જે સમય અને સંજોગોમાં જીવીએ છીએ તેના આધારે વ્યક્તિ અથવા ન્યાયાધીશનું મૂલ્યાંકન કરવું જોઈએ. જ્યારે આપણે જસ્ટિસ ચંદ્રચુડ વિશે લખીશું, ત્યારે તેમના નિર્ણયો, તેમના વર્તન, તેમની સાદગી, તેમની ધીરજ વિશે ચર્ચા કરીશું. આ બધા ગુણો મહાન ન્યાયાધીશના છે.
